Рамазанның өзге айлардан ерекшелігі – Алла Тағала бұл айда Мұхаммед пайғамбарға (с.а.у.) Құранды түсіріп бастаған, оразаны парыз қылған. Бұл айда жәннат қақпалары ашылып, тозақ қақпалары жабылады. Мұсылман жұртшылығына Рамазанды барынша пайдалы өткеруі үшін мынадай кеңестер береміз: шынайы тәубе, парыз амалдарды орындау, бекітілген сүннеттерді толық оқу, бекітілмеген сүннеттерді оқу, тарауих намазын оқу, тілді жаман сөздерден сақтау, құлақты харамнан тыю, көп ақылды және мейірімді болу.